«У Беларусі прынамсі 178 жанчын знаходзяцца ў турмах як палітвязьні. Яны сутыкаюцца з прыніжэньнямі, адмовай у мэдычнай дапамозе і пагрозамі страціць дзяцей. Гэтая жорсткасьць павінна спыніцца. Ніводная жанчына не павінна падвяргацца гвалту за „злачынства“ — імкненьне да свабоды», — напісала дэмакратычная лідэрка ў сацсетцы «Х» (былы «Твітар»).
18 жніўня "Прававая ініцыятыва «пры падтрымцы праваабарончага цэнтру «Вясна» і іншых арганізацый накіравала зварот у Камітэт ААН па ліквідацыі дыскрымінацыі адносна жанчын (CEDAW) з патрабаваньнем пачаць расьсьледаваньне парушэньняў правоў чалавека ў дачыненьні да жанчын у зьняволеньні ў Беларусі.
У звароце падкрэсьлівалася, што гаворка ідзе не пра асобныя інцыдэнты, а пра цэлую сыстэму рэпрэсій, у якой гендарна абумоўлены гвалт і жорсткае абыходжаньне сталі нормай, асабліва ў дачыненьні да жанчын-палітвязьняў.
- Паводле праваабаронцаў «Вясны», цяпер за кратамі ў Беларусі знаходзяцца 1184 палітвязьні. Паводле праваабарончай ініцыятывы Dissidentby, палітвязьняў больш — 1315 чалавек. Розныя ініцыятывы могуць выкарыстоўваць розныя крытэры ацэнкі.
Форум